伊莉討論區

標題: 顧修全92年「神算」星爺未來…網民驚訝：全中！ [打印本頁]

作者: rousseau73 時間: 2017-3-10 12:03 AM 標題: 顧修全92年「神算」星爺未來…網民驚訝：全中！

心理學博士顧修全喺90年代不時上電視節目，分析一啲人嘅心理，由於多數以「中間分界」或「all back」髮型現身，令觀眾印象深刻!

顧修全博士喺1992年上過DoDo姐(鄭裕玲)主持嘅清談節目《鄭裕玲星夜傾情》其一集講周星馳嘅心理趨勢……
話曬星爺喺90年代事業處於高峰時期，當時唔少人都想知佢未來走勢!?
咁顧修全當年覺得星爺係「好似漫不經心、有少少無厘頭，其實星仔嘅無厘頭係有得睇，佢個人基本上有好多嘢好無奈，唔係幾開心」，顧修全又指星仔無奈係因為份人上進心好強。顧修全又話睇星仔張相：「好似咬牙切齒咁樣，如果我哋睇清楚星仔呢個人，佢個上進心好強、佢競爭性好強，佢係一個唔願意屈居人下嘅人，所以佢同吳孟達上契，好似係佢(星仔)做契爺。」
佢又喺節目中講出星仔未來嘅走勢：「我會話呢個人因為佢嘅性格，佢係好上進，唔願意被人踩低，喺電影圈入面，做演員有時好似一盤棋做棋子，佢鍾意做棋王，佢唔會做棋子，所以我話佢第日會做老闆，佢會退居幕後。」鄭裕玲問係唔係即係拎錢出嚟拍戲、搵啲人做嚇棋子，顧修全即點頭示意：「佢係一個喜歡操縱人，唔喜歡被人操縱。」
咁睇番星爺o依家呢，又真係退居幕後，主力做拍攝同後期製作，拍《美人魚》、《西遊·降魔篇》等。呢條片現時可以喺YouTube重溫，網民留言「今日睇番轉頭講中曬」、「以前看過，o依家再看番，真係準」、「現在成事實了」。
此外，顧修全亦慣用「屋、樹、人心理畫分析」，佢試過喺TVB節目《靈通天地線》，講過1996年涉嫌殺兄但被判無罪嘅新聞人物黃冠高，節目搵咗黃冠高畫咗一幅畫，俾顧修全分析黃冠高嘅內心世界。
佢話黃冠高入唔到自己嘅內心世界，見畫中花同樹，佢指畫呢啲都係代表雙親：「爸爸係高一啲(棵樹)、媽媽矮啲(棵樹)，媽媽呢棵樹係好混亂，相信呢個屋企，如果有唔開心嘅嘢，往往係媽媽特別受傷得犀利，而呢個作者應該受女性影響大好多，因為中間見(公仔)佢同一個好長頭髮嘅女仔傾偈，潛移默化，佢受媽咪影響係好多，如果佢媽咪係受屋企影響唔開心，個作者都係唔開心」、「佢係好鍾意媽咪、好鍾意家人，佢畫咗一隻狗衝向屋企，佢就即刻踩車去保護家人，唔俾隻狗傷害家人。」去幫助觀眾去瞭解一啲奇案嘅人……

心得：old news is so exciting .... 舊聞有時真是十分吸引！

[attach]117987855[/attach][attach]117987856[/attach][attach]117987858[/attach][attach]117987859[/attach][attach]117987860[/attach][attach]117987861[/attach][attach]117987862[/attach][attach]117987863[/attach][attach]117987864[/attach][attach]117987866[/attach][attach]117987867[/attach][attach]117987868[/attach]

作者: s198621757 時間: 2017-3-10 01:35 AM

看不懂再說什麼............

歡迎光臨伊莉討論區 (http://www998.eyny.com/)